Text Size
Monday, November 20, 2017

نيال مين عندو حركه متل حركتنا

pierreissa

قال البابا بيوس الثاني عشر إنو تيريز دو ليزيو "اكتشفت قلب الإنجيل" عندما تكلمت عن المحبة.

" نيال مين عندو حركه متل حركتنا " الحركة الكنسية الكرملية.

يلي من سنوات بتحكي عن المحبه والتواضع وبتحكي عن الفرح والعيد وعن يسوع العريس يلي أعطى البشرية كل شي بحاجه إلو، وبتحكي عن العطية والعمل في سبيل الآخر وبتدعينا حتى نحب بعضنا ونكبر بالنعمة يلي عطانا ياها ونكبر بالطاعة باصغائنا بحرية وفرح للشخص الأخر، ونتيجة هالثمرة كان النا قداس بآخر هيدي السنه بدير سيدة الكرمل بالفنار وانتقلنا بعدها ع مشوار بالطبيعة حتى نترجم حبنا للأخر بالعمل. 

 

 

وهل مشوار كان بمنطقة تحت شجر الصنوبر وبجمال المناظر الطبيعية مع الفرح، الحقيقة، فرح القلب وسعادة الروح يلي بلشت أكيد بالصلاة كالعادة. 

ومن بعدها بلش الأكل والمشاوي مع الضحكة يلي ما فارقت وجه كل واحد منا إستلم زمام المنقل ميشال واليان ودارت الدبكه على يد شارل والأغاني الفيروزية والسعاده دبت بقلوب الجميع، وما ننسى تحضير التبوله الطيبه عل يد السيدات الحلوين. 

وبقينا على هالفرح حتى بعد الضهر وفالين على بيوتنا والتمني للسنه القادمة إنو نبقى بألف خير، كان نهار كتير حلو، وهيك يا يسوع نحنا منوعدك إنو نكون أمينين على حركتنا ومتحدين مع إخوتنا، ونكون خميرة السنه يلي جايي بقلب كل عائلاتنا وشبيبتنا حتى نمجد إسمك إلى الأبد. آمين