Contact

mail@gemini-theme.com
+ 001 0231 123 32

Follow

Info

All demo content is for sample purposes only, intended to represent a live site. Please use the RocketLauncher to install an equivalent of the demo, all images will be replaced with sample images.

;
من اقوال البابا فرنسيس
  • العائلة هي جوابنا على محبة الله اللامتناهية تجاه البشر

sky

نيالنا فيكن .. إيه .. نيالنا فيكن يا قديسين السما .. إنتو المرضيين عند الله . 

أولكن .. إذا عكسنا الجملة .. فينا نقول : نيالكن فينا ؟ يا الله !.. فرق من السما للأرض .. يعني من عندكن لعنّا.

إذا بدنا نعمل مقارنة بسيطة بينكن وبينا , يعني بين حياتكن يلّي عشتوها وبين حياتنا يلّي عم نعيشا عالأرض .. لأ .. لأ.. ما في مجال للمقارنة

يا الله ! عن جد الفرق كبير ..

 


 

بالنسبة إلنا .. حاسين حالنا واقفين محلنا  

منصلّي .. منعترف .. منتناول .. منحاول نغفر .. منجرّب نحب .. منجاهد لنسامح .. بس .. بعدنا محلنا

بعدا روحنا فاضية .. بعدنا مش أمنين بالميّة ميّة لربنا 

شو سركن إنتو يا قديسين السما ؟ 

شو عيشتكن..؟  شو حياتكن..؟  شو تفكيركن..؟

أنا شخصياً بحسدكن .. وبغار منكن , لأنكن بالبساطة والتواضع والحب ..ربحتوا السما والأهم ربحتوا يسوع .. وأنا .. مش عم بقدر كل الوقت كون بسيطة ومتواضعة ومش عم بقدر كل الوقت إنّو حب ...

بعدو العالم عم بشدني لإلو .. بعدني عم ضيّع أكتر أوقاتي على إشيا تافهة .. بعدني بعترف بخطاياي اليوم وتاني يوم.. برجع بعيد نفس الخطايا ...

يا الله ! شو هالحالة ؟! شو هالضعف بالإرادة ! على طول بنق وبشتكي.. و بس يصير معي أي فشل أو خسارة .. بحس بالفتور والإنحطاط وبتتقل لهفتي للصلا ..

بحاول دايمًا إتذكّر الكلمات اللي قلتوها وعشتوها وإنتو بهالدني :

الله يراني الشاطر هو اللي بخلّص نفسو لتكن مشيئتك -  في قلب الكنيسة أمّي سوف أكون الحب ....  وغيرن وغيرن من الكلمات اللي بتعزّي وبتخلي الإنسان يعيد حساباتو بحياتو ...

اليوم يا رب .. بعيد جميع قدّيسيك .. بشكرك على كل يوم جديد عم تعطيني ياه لأنو رح يكون فرصة تا جدّد حياتي وإتمثّل وإتعلم وإقتدي فين ..

إعطيني يا رب النعمة بهاليوم إنّو حبّك وإخدمك لآخر يوم من عمري حتى إستحق بعد موتي ملكوتك وسبحك ومجدك للأبد مع كل قدّيسيك .

آمين .

يتمجّد الرب بقديّسيه

فيفيان صايغ