Contact

mail@gemini-theme.com
+ 001 0231 123 32

Follow

Info

All demo content is for sample purposes only, intended to represent a live site. Please use the RocketLauncher to install an equivalent of the demo, all images will be replaced with sample images.

;
من اقوال البابا فرنسيس
  • العائلة هي جوابنا على محبة الله اللامتناهية تجاه البشر

 

jesus_resurectionهالقد أنا بحبك ! 

 

بعدك فاتح ايديك  ؟

ما زهقت  ؟

من وقت ما فتحت عينيّ عالدني ، خبروني عنك انك بتحبني لدرجة انو متت عالصليب تاتفديني وتحمل عني خطاياي .

ما تعبت  ؟

سنين وسنين مرقت وعم تمرق ورح تمرق وأنا بعدني عم أخطي ، عن معرفة أو عن غير معرفة ، وعم أعترف وتوب ، وأنت بعدك فاتح ايديك.

فاتح ايديك عا وسعن !

عالصليب فاتح ايديك !

وبالقيامة فاتح ايديك  !

ما مليت  ؟ 

 

 

صراحة .. أنا لو كنت محلك ، كنت زهقت وتعبت ومليت وقلت لحالي :

"حلي عنّي ، ما الك نفع ..."

بس هيدا الفرق بينك وبيني : انت ابن الله ،بتطلع فيّي بنظرة بيّك السماوي والأهم بتحبني من قلبك .

لهيك انت ما بتزهق وما بتتعب وما بتمل منّي وما بتقلي حلي عنّي بالعكس عاطول بتفتّش علي وبتقرّبني منّك .

شو صعب يا يسوع اللي عم تعملو معي !

شو صعب يا يسوع اني اتمثّل فيك  !

شو صعب اني امشي عاخطاك وانظر بنظرتك وحب بقلبك  !

على طول في شي عم بعرقل مسيرتي لعندك .

عم شبّه حالي للأنسان يلي بقرر انو يعمل رجيم عن الأكل . كل مرّة بيقول: "خلص.. من يوم التنين رح بلش بالرجيم ، مش رح اكل لا شوكولا ولا مقالي ولا خبز ولا... ولا...

بيمرق أول نهار .. ماشي الحال.

بيمرق تاني نهار .. بلقمش كم لقمة زيادة .

تالت نهار .. " ياي ! عم يقلوا بطاطا .. يلا ، كم حبّة ما بنصحوا "

رابع  يوم .. " كتير شوب .. شو طالع عابالي بوظة .. رح جيبو لايت تا ما انصح .."

خامس يوم .. سادس يوم .. بيكون نسي انو عم يعمل رجيم وبيرجع لحالتو القديمة .

وهيك أنا ، نهار الأحد بعترف وبتناول وبقول : " خلص .. من اليوم رح بلش طريقة عيش جديدة ...

بيمرق أول نهار .. ماشي الحال .

تاني يوم .. حدن بيحكيني شي كلمة مش عازوقي، بحبكا براسي وقبل ما استفسر بجاوبو وما بسكتلو ..

تالت يوم .. حدن بضايقني بشغلي ، ببلش كرفت واغلي من قهري ..

رابع يوم .. حدن من عيلتي  أو جيراني بيتصرّف شي تصرّف اناني معي ، يعني دعسلي بمسكبة البقدونس ، وببلش اللت والحكي والاستغياب ..

وهيك بوصل للآخر الجمعة .. مرحبا اعتراف .. ومرحبا مناولة .. ومرحبا وعد للرب بطريقة عيش  جديدة ...

يا رب ! شو ما احكي وقول واتصرف ، رح تضّل تحبني  ورح تضلك فاتح ايديك وتنطرني اجي لعندك .

رح تضلك تسامحني وتاخدني عا قد عقلاتي .

رح تضلك تحب فيّي الطفولة المخبّاية بزاوية من زوايا قلبي وتخليني انبش هالطفولة وعيشا بحياتي تا اربح ملكوتك .

يا رب ! ما تخليني استغل حبك وعطفك وحنانك بأنانيتي .

بحبك يا يسوع ، وبفتح ايديّي عا وسعن تا الك : " هالقد أنا بحبّك  ! "

                                                 سامحني يا رب !